|  寒冷天氣警告, 小朋友被包成一件件糉係好平常既事.
不過昨晚回家, 見倒一位比自己膝頭高少少既兩歲男孩竟然可以著倒兩件羽絨, 一件是背心, 另一件羽絨外套已跌晒膊.. 父母望著他, 似乎完全看不到這情境, 只露出安心既笑容.  走進升降機, 另有三位手執雪糕既糉型小朋友. 母親A問母親B : 三個一人一枝咁開心呀? 女孩二話不說地答道: "好熱!" 其實冬天最涷時食雪糕, 感覺幾好. Sunday, January 07, 2007 平時工作排山倒海咁, 但星期天上班, 有時會休閒得恐佈. "好悶呀!!!~~~~" 我向身旁上緊網既manager爆發. "出去reception 幫下手囉" 我收到一個幾有趣既reply. 佢真係好好咁教我check in procedures, 觀察一會, 仲比個客我試下check in. 取passport, credit card, deposit...即學即用, 內裡有點"拿手唔成勢既感覺", 但外表仍是淡定既模樣, 找不到比客既booklet, 其他同事又0岩0岩幫人check in 緊, 完全feel 倒個客望鬼住你, 即刻捉一捉住身旁既同事低聲道: booklet 係邊? >> 最後都ok順利咁送走左個客, ha~ 一個平凡既晚上突然變得好好玩..鍾意學新野~   |
